“ვალენსიამ” “ჟირონა“ დაამარცხა – მამარდაშვილმა კარი მშრალად შეინახა

გიორგი მამარდაშვილის „ვალენსიამ“ ესპანეთის ჩემპიონატის მეექვსე ტურის შეხვედრაში „ჟირონას“ უმასპინძლა და სეზონში პირველი გამარჯვება მოიპოვა – 2:0.

მატჩის პირველი ტაიმი უგოლოდ დასრულდა, მეორე ნახევარში კი “ვალენსია“ გააქტიურდა და ორწუთიან მონაკვეთში ორი გოლი გაიტანა – “ღამურები“ 56-ე წუთზე ხუანპეს ავტოგოლით დაწინაურდნენ, ხოლო 58-ე წუთზე „ჟირონას“ კარში გომესმა გაიტანა.

ამის შემდეგ მამარდაშვილმა “ვალენსია” სამჯერ გადაარჩინა და სეზონში კარი მშრალად პირველად შეინახა.

ლა ლიგაში გამართული ექვსი ტურის შემდეგ “ვალენსიას“ 4 ქულა აქვს და მე-17 ადგილზე იმყოფება.