საბა ლობჟანიძემ ამერიკაში მორიგი გოლი გაიტანა და გათამაშების ლიდერთან, ლიონელ მესის „ინტერ მაიამისთან“ “ატლანტა იუნაიტედს“ ქულის მოპოვებაში დაეხმარა – 2:2.
საქართველოს ნაკრების ნახევარმცველი „ატლანტას“ ძირითად შემადგენლობაში იყო და შეუცვლელად ითამაშა, თავი კი 56-ე წუთზე გამოიჩინა.
ეს მიმდინარე სეზონში საბა ლობჟანიძის მეშვიდე გოლია, მის ანგარიშზე ასევე ექვსი საგოლე გადაცემაა. ქართველი მოთამაშე ბოლო ხუთ თვეში მესის გუნდს მეორედ შეხვდა და ჯამში, მეტოქეს ოთხი გოლი გაუტანა.
