9 სექტემბერს, ბრაზილიურმა “კორინთიანსმა” საბოლოოდ გაიფორმა ნიდერლანდების ეროვნული ნაკრების ფეხბურთელი მემფის დეპაი.
აღნიშნულთან დაკავშირებით, ნიდერლანდელთა თავკაცმა რონალდ კუმანმა კომენტარი გააკეთა. მისი აზრით, ბერგვაინის არაბეთში ტრანსფერი და დეპაის ბრაზილიაში ტრანსფერი რადიკალურად განსხვავდება და მემფის დეპაი თუ მზად იქნება, ის ნაკრებში ითამაშებს.
“დეპაის სიტუაცია საერთოდ არ არის ბერგვაინის მსგავსი. ბრაზილიის ლიგა ბევრად მაღალი დონისაა და განსხვავებულია. თუ მემფისი მზად იქნება, ის ნაკრებში ითამაშებს”, – განაცხადა რონალდ კუმანმა.
