“შავი ლომი“ ახალი სეზონის პირველ მატჩს 15 სექტემბერს რაგბის ევროპის სუპერთასზე ესპანეთში „იბერიანსის“ წინააღმდეგ ჩაატარებს, შეხვედრა 14:00 საათზე დაიწყება.
ეს რიჩარდ კოკერილისთვის „შავი ლომის“ მთავარი მწვრთნელის პოსტზე პირველი ოფიციალური შეხვედრა იქნება.
“კარგი მოსამზადებელი პერიოდი გვქონდა. მოთამაშეებმა ბევრი იშრომეს, კარგ ფიზიკურ ფორმაში არიან, მოუთმენლად ველით პირველ თამაშს. „შავი ლომის“ გაფართოებულ შემადგენლობაში 11 დებიუტანტია. ახალი მოთამაშეები გვყავს დიდი 10-იდან და ისინი სიახლეებს ეგუებიან. ასევე გვყავს ფრანგული კლუბების ყოფილი წევრები, რომლებიც გუნდთან უკვე შეთამაშდნენ. „იბერიანსთან“ შეხვედრაში გუნდში ბევრია ხალი სახე იქნება“, – განაცხადა კოკერილმა.
