დღეს, 8 სექტემბერს დასრულდება პარიზის პარალიმპიური თამაშები, სადაც საქართველო 14 სპორტსმენით იყო წარდგენილი.
ქართველების მონაწილეობა წარმატებულად შეგვიძლია ჩავთვალოთ. შესაძლო 14 ვარიანტიდან, ჩვენმა პარასპორტსმენებმა 9 მედლის მოპოვება შეძლეს.
ერთადერთი ოქროს მედალი გიგა ოჩხიკიძემ მოიპოვა.
ვერცხლის მფლობელები გახდნენ: რევაზ ჭყოიძე, გიორგი ქალდანი, ვლადიმერ ჭინჭარაული და ზურაბ ზურაბიანი.
რაც შეეხება ბრინჯაოს მედლებს, მესამე ადგილი ოთხმა პარასპორტსმენმა დაიკავა: ნინო თიბილაშვილი, ინა ქალდანი, აკაკი ჯინჭარაძე და ანა ჯაფარიძე.
