მესი ძალიან ძლიერია, უძლიერესი. მიუხედავად მისი მონაცემებისა, მას აქვს მენტალიტეტი, 4 წლის განმავლობაში ვარჯიშებზე ბევრს ვთამაშობდით და ლეოს არცერთი თამაში არ წაუგია. მას კონკურენტული მენტალიტეტი აქვს. ისტორიაში 4-5 ფეხბურთელია, რომლებსაც რაღაც განსხვავებული აქვთ, – აცხადებს “ბარსელონას” ყოფილი თავკაცი პეპ გვარდიოლა.
“ჩემი ფეხბურთელები ბარსელონაში კონკურენტუნარიანი მხეცები იყვნენ, მათგან ბევრი რამ ვისწავლე. 3 დღეში ერთხელ ყოველთვის გამარჯვება სურდათ, სურდათ, რომ თანაგუნდელებზე უკეთესები ყოფილიყვნენ. გამიმართლა, რომ ყველა დროის საუკეთესო მესი და ლა მასიიდან 24, 25, 26 წლის მოთამაშეები მყავდა. გარდა ამისა, გვყავდა ძლიერი უცხოელები, როგორიცაა კამერუნელი სამუელ ეტო’ო. ეს უჩვეულო იყო, ისინი ფინალებს ისე თამაშობდნენ, როგორც ამხანაგურ მატჩებს.
მესი ძალიან ჭკვიანია, მას ყველაფერი ესმის. ის ფიზიკურად არ არის ძალიან ძლიერი, მაგრამ ეს მისი ინტელექტია. ბარსელონაში 10 წელი რომ ითამაშო, ძლიერი უნდა იყო.
ეს გუნდი მეგობრების დიდი ჯგუფი იყო, თითოეულ მათგანს თავისი როლი ჰქონდა. ყველამ ვიცოდით, რომ მესი საუკეთესო იყო, მაგრამ მის შემდეგ 6-7 ძლიერი ფეხბურთელი მოდიოდა.
მასკერანო თავმდაბალი ადამიანი იყო, ის მსოფლიოს ერთ-ერთი საუკეთესო ფოკუსირებული მოთამაშეა. როდესაც ის ბარსელონაში მოვიდა, წარმოუდგენელი ტაქტიკური უნარი, კონცენტრაცია და სიჩქარე ჰქონდა. ხავიერმა ახალი პოზიციის შესწავლით თავმდაბლობა გამოიჩინა, ის განსაკუთრებული ადამიანია, რომელიც სხვებისთვის თამაშობდა და ყოველთვის კოლექტიურ სიკეთეზე ფიქრობდა და არა პირადზე”, – აცხადებს გვარდიოლა.
