თბილისი “დინამოს” ახალგაზრდა ფეხბურთელი ნიკოლოზ სიხარულაშვილი კარიერას საბერძნეთის მეორე ლიგაში, მაკედონიკოს “ნეაპოლისში” გააგრძელებს.
“ნეაპოლისი” საბერძნეთის მეორე ლიგის გუნდია. გასული სეზონი გუნდმა მეხუთე ადგილზე დაასრულა და უმაღლეს ლიგაში კვალიფიცირება ვერ შეძლო.
ნიკოლოზ სიხარულაშვილი U19 ნაკრების წევრია. ის თბილისური გუნდის გაზრდილია და გასულ სეზონში, “დინამო 2”-დან, “დინამოს” პირველ გუნდში გადავიდა.
