კობი ბრაიანტი – ერთ-ერთი ყველაზე გამორჩეული და გავლენიანი კალათბურთელი სპორტის ისტორიაში, 1978 წლის 23 აგვისტოს ფილადელფიაში დაიბადა. ბრაიანტი მალევე გახდა ცნობილი, როგორც საშუალო სკოლის ფენომენი, ის მხოლოდ 17 წლის იყო, როდესაც 1996 წელს შარლოტ ჰორნეტსმა მე-13 პიკად აირჩია, იგი მაშინვე გადავიდა ლოს-ანჯელეს ლეიკერსში, სადაც გაატარა მთელი თავისი 20-წლიანი კარიერა.
ბრაიანტის სამუშაო ეთიკა, მონდომება და კონკურენტული სულისკვეთება ლეგენდარული გახდა. “შავი მამბა” ცნობილი იყო თავისი მენტალური სიძლიერით, განსაკუთრებით მნიშვნელოვან მომენტებში. თავისი კარიერის განმავლობაში კობიმ მოიგო ხუთი NBA ჩემპიონატი, ორი NBA ფინალის MVP ჯილდო და 18-ჯერ იყო ყველა ვარსკვლავის შეხვედრაში. მან 2006 წელს ერთ თამაშში 81 ქულა დააგროვა, რაც NBA-ს ისტორიაში მეორე ყველაზე მაღალი მაჩვენებელია.
მოედანზე მიღწევების გარდა, კობი იყო სპორტის ელჩი მთელს მსოფლიოში, განსაკუთრებით ჩინეთში. მან მნიშვნელოვანი გავლენა მოახდინა კორტზე თავისი ქველმოქმედებით. კალათბურთელმა სპორტულ წარმატებებთან ერთად, ოსკარის ჯილდოს მოპოვებაც შეძლო, მისი მოკლემეტრაჟიანი ფილმისთვის “ძვირფასო კალათბურთი”.
კობი ბრაიანტის სიცოცხლე დასრულდა ტრაგიკულად 2020 წლის 26 იანვარს, ვერტმფრენის ჩამოვარდნის შედეგად, რომელსაც ასევე შეეწირა მისი ქალიშვილის ჯინას და კიდევ შვიდი ადამიანის სიცოცხლე.
კობი ბრაიანტმა დატოვა ხანგრძლივი მემკვიდრეობა, რომელიც აჭარბებს კალათბურთს. ის მილიონობით სპორტსმენისთვის მისაბაძი ფიგურა იყო, არის და იქნება.
