“პარი სენ-ჟერმენმა” შესაძლოა, 2024-25 წლების სეზონისთვის გაცემული უეფას ლიცენზია დაკარგოს.
კლუბის ყოფილ ფეხბურთელთან კილიან მბაპესთან ფინანსური დავის გამო საფრანგეთის ჩემპიონი შესაძლოა, ჩემპიონთა ლიგის 2024-25 წლების გათამაშებიდან გარიცხონ.
მბაპემ საფრანგეთის ფეხბურთის ფედერაციის გავლით მიმართა საფრანგეთის ლიგისა და უეფას იურიდიულ კომისიებს, რათა მოითხოვოს თავისი ყოფილი კლუბისგან “პარი სენ-ჟერმენისგან” 55 მილიონი ევროს გადახდა ძველი კონტრაქტის მიხედვით.
Le Monde-ს წყაროს ინფორმაციით, საკითხში ფრანგული ლიგის (LFP) მონაწილეობა, შესაძლოა, კატასტროფად დაუჯდეს პსჟ-ს, რადგან ამ ორგანიზაციას სრული უფლება გააჩნია აუკრძალოს კლუბს ტრანსფერების განხორციელება, ასევე ჩამოართვას მას უეფას ლიცენზია, რაც ავტომატურად ნიშნავს ჩემპიონთა ლიგიდან გარიცხვას.
