საქართველოს ეროვნული ნაკრებისა და “ნაპოლის” ქართველი შემტევი ხვიჩა კვარაცხელია, სექტემბრის თვის საუკეთესო ფეხბურთელად დასახელდა. ფეხბურთელს ჯილდო 26 ოქტომბერს, “ლეჩესთან” გასამართი შეხვედრის წინ გადასცემენ.
გულშემატკივრებში ჩატარებული გამოკითხვის შემდეგ, კვარაცხელიამ აჯობა ისეთ ფეხბურთელებს, როგორებიც არიან – ბრემერი („იუვენტუსი“), კასტრო („ბოლონია“), კუტრონე (“კომო”), დიმარკო („ინტერი“) და პულიშიჩი (“მილანი“).
შეგახსენებთ, რომ სექტემბერში ხვიჩა კვარაცხელიამ სამ თამაშში ორი გოლი გაიტანა და ერთი საგოლე გადაცემა შეასრულა.
