პარიზის ოლიმპიურ თამაშებზე კრივში ქალთა თანრიგში მომხდარ ინციდენტზე ალჟირელი მოკრივე იმანე ხელიფი ალაპარაკდა და იტალიელი მოწინააღმდეგისგან, ბოდიშის მოხდა მოითხოვა.
ალჟირელ მოკრივეზე სიძულვილის შემცველი კამპანია მალევე აგორდა, თუმცა ხელიფი ამბობს, რომ საუკეთესო პასუხი ამ კამპანიაზე, ოქროს მედალი იქნება.
“მოვუწოდებ ყველას, დაიცვან ოლიმპიური ქარტიის პრინციპები და შეწყვიტონ სპორტსმენების დამცირება, რადგან ამას თავისი სერიოზული შედეგები ექნება. ამან შეიძლება გაანადგუროს ადამიანები, მათი აზრები, სული და გონება, დააცალკევოს ისინი. ადგილობრივი მწვრთნელები მცირე ასაკიდან მიცნობენ, როცა კარიერას ახლად ვიწყებდი. იტალიელი მოკრივეც კარგად მიცნობს. ჩვენ ერთად ვმონაწილეობდით შეჯიბრებებზე. მან ისარგებლა მედიაში ჩემს წინააღმდეგ აგორებული კამპანიით და შეეცადა ამ საშუალებით თავი მსხვერპლად გამოეყვანა”, – განაცხადა ხელიფმა.
