დღეს, 22 სექტემბერს crystalbet ეროვნული ლიგა XXV ტურის სამი შეხვედრა გაიმართება.
სათამაშო დღე წყალტუბოში აიღებს სტარტს, სადაც ადგილობრივი “სამგურალი” “თელავს” დაუპირისპირდება. შეხვედრა 16:00 საათზე დაიწყება.
20:00 საათზე ფოთის “კოლხეთი” თბილისის “იბერიას” შეხვდება. თბილისელები შეხვედრას კარგ ფორმაში ხვდებიან, მათ 45 ქულა აქვთ და ცხრილში მესამე ადგილს იკავებენ.
სათამაშო დღე დავით პეტრიაშვილის სახელობის მოედანზე დასრულდება. თბილისის “გაგრა” ქუთაისის “ტორპედოს” უმასპინძლებს. აღნიშნული შეხვედრა 21:00 საათზე დაიწყება.
