Crystalbet ეროვნული ლიგა 2-ის ლიდერმა საგარეჯოს “გარეჯმა” 2 ნოემბერს მნიშვნელოვანი ქულები დაკარგა თბილისის “დინამო 2-თან”, ხოლო “რუსთავმა” და “სიონმა” თავიანთი შეხვედრები მოიგეს და სატურნირო ცხრილში სიტუაცია დაძაბეს.
კახელები 56 ქულით ლიდერობენ სატურნირო ცხრილს. 56 ქულით თანალიდერია “რუსთავი”, ხოლო მესამე ადგილზე 54 ქულით ბოლნისის “სიონია”.
ჩემპიონატის დასრულებამდე 7 ტურია დარჩენილი და აშკარაა, რომ ინტრიგა ბოლო ტურამდე იქნება.
