პარიზის ოლიმპიურ თამაშებზე მამაკაცთა კალათბურთში, ნახევარფინალური შეხვედრები გაიმართა. ამერიკის და საფრანგეთის ეროვნულმა ნაკრებებმა მეტოქეებს აჯობეს და ფინალში ითამაშებენ.
ორივე ნახევარფინალური შეხვედრა ძალიან დაძაბული გამოდგა. ფრანგებმა მოქმედ მსოფლიოს ჩემპიონებს 73:69 სძლიეს, ამერიკის და სერბეთის შეხვედრა კი 95:91 დასრულდა.
ნახევარფინალურ ეტაპზე გამორჩეული მოთამაშე სტეფ კარი გახლდათ, მან სერბებს 36 ქულა ჩაუგდო.
