საქართველოს საკალათბურთო გუნდები, ახალი სეზონისთვის მზადებას განაგრძობენ. განსაკუთრებულ ინტერესს, დებიუტანტი “ვსა” (ვიქტორ სანიკიძის აკადემია) იწვევს.
გასულ სეზონში “ვსა”-მ A ლიგის ფინალში “სოხუმს” აჯობა და სუპერ ლიგაში დაწინაურდა.
ვიქტორ სანიკიძის გუნდი უმაღლესი ლიგის სადებიუტო წლისთვის ემზადება და რამდენიმე საინტერესო ტრანსფერიც განახორციელა. გუნდმა ამერიკელი ლეგიონერები დაიმატა, ასევე საქართველოს ნაკრების კალათბურთელმა დავით კაკუშაძემ კონტრაქტი 1 წლით გაახანგრძლივა.
